Stoðir er eignarhaldsfélag sem m.a. á 99,9% hlut í Tryggingarmiðstöðinni (TM) og 40,3% hlut í Refresco, evrópska drykkjarvöruframleiðandanum. Stoðir eiga einnig eignarhluti og hagsmuni í ýmsum félögum og verkefnum, innanlands og utan, s.s. Royal Unibrew, Glacier Renewable Energy Fund (Geysir Green Energy), Nordicom og Inspired Gaming.
Hluthafar Stoða eru á annað hundrað talsins, að mestu íslenskar og erlendar fjármálastofnanir. Núverandi hluthafar eignuðust allt hlutafé í Stoðum í júní 2009, í kjölfar nauðasamninga þar sem kröfuhafar breyttu kröfum sínum í hlutafé í Stoðum, samhliða fjárhagslegri endurskipulagningu Stoða.
Stærstu eigendur Stoða eru Glitnir, NBI – Landsbankinn og Arion banki. Stjórn Stoða skipa Eiríkur Elís Þorláksson (formaður), Sigurður Jón Björnsson og Sigurjón Pálsson. Framkvæmdastjóri Stoða er Júlíus Þorfinnsson.